Цяплічны камбінат Мачулішчы размяшчаецца ў 10 км ад Мінска і займае плошчу 27,0360 га. На яго тэрыторыі размешчана цяплічная гаспадарка плошчай 7,35 га, якая спецыялізуецца на вытворчасці агародніны абароненага грунту (таматаў, агуркоў, перцу і зяленага луку) з выкарыстаннем прагрэсіўных рэсурсазберагальных тэхналогій. У вытворчасці ўжываецца біялагічны метад абароны раслін ад хвароб і шкоднікаў, а таксама сучасная малааб’ёмная тэхналогія вырошчвання агародніны з ужываннем кропельнага паліву і камп’ютарнага кіравання мікракліматам.